+996 312 88 77 37
azdekdyino@gmail.com
Facebook Twitter Youtube
“Аздек дүйнө” Коомдук кайрымдуулук фондунун жетекчиси
Токтобүбү Оргалча:

“Кадырлуу мекендештер!
“Аздек дүйнө” Коомдук кайрымдуулук фондун негиздөө менен биз глобалдуу дүйнөдөгү орчундуу маселелерди чечүүгө өз салымыбызды кошууну көздөйбүз. Ошондой эле жаратылышты сактоо, жашыл экономика, саламаттык сактоо, билим берүү, миграция тармактарында алгылыктуу иштерди алып баруу жана муктаждыгы бар мекендештерибизге жардам колун сунуу биздин негизги максат болуп саналат.
Кыргыз элибиздин бай тарыхы жана энчилүү маданияты чоң байлыгыбыз болуп саналат. Тарыхыбыз - ата-бабаларыбыздын эзелтен берки баскан жолун, өткөн жашоо тиричилигин, тагдырын кабарласа, маданиятыбыз - элдин руханий жана материалдык казынасынан кабар берет. Биздин “Аздек дүйнө” Коомдук кайрымдуулук фонду кыргыз элинин баалуулуктарын, каада-салт, үрп-адаттарын сактоону өз милдети деп билет жана бул багытта дагы бир топ долбоорлорду ишке ашырууну көздөйт.
Мекенибиз – бүткүл кооздуктун, сулуулуктун жана көп улуттардын өлкөсү. Андыктан биздин команда өлкөдө жашаган бардык улуттардын ынтымагын бекемдөө жана сактоого көмөктөшүү менен достук мамилелерди чыңдайбыз!
Урматтуу мекендештер! “Аздек дүйнө” Коомдук кайрымдуулук фонду “Дүйнөнү биргеликте аздектейли!” урааны алдында өз кайрымдуулук иштерин улантып, Кыргыз Республикасынын көйгөй жараткан социалдык маселелерине, кары-картаң, оорукчан муктаж адамдардын турмуш-тиричилигин жеңилдетүүгө салым кошуп кызмат кыла бермекчибиз.

“Аздек дүйнө” Коомдук кайрымдуулук фонддун түзүлүшүнүн максаты
Кайрымдуулук иш-чараларын уюштуруу
Жардамга муктаждардын кызыкчылыгын коргоо, жана миграцияда жүргөн мекендештер менен иштешүү
Жардамга муктаж ата-энеси жок өскөн, кароосуз калган балдарга жардам көрсөтүү
Социалдык роликтерди, кыска метраждуу жана көркөм тасмаларды тартуу
Кыргыз элинин маданиятын, каада-салттарын сактоого көмөк көрсөтүү
Таланттуу балдарды материалдык жактан колдоо
Юридикалык кеңешке муктаждарды колдоо
Медициналык жардамга муктаждарга көмөк көрсөтүү
Шоу программаларды уюштурууга көмөк

Биз менен байланыш:

WhatsApp

ДҮЙНӨНҮ БИРГЕЛИКТЕ АЗДЕКТЕЙЛИ!

Биздин максат

Учурда кайрымдуулук фонддордун катары көп. Алардын дээрлик баары муктаждарга жардам колун сунуп келет. Биз да алардын катарын толуктайбыз. Бирок, артыкчылыгыбыз кеңири форматты камтуу. Калың катмардын социалдык жактан жаралган көйгөйлөрүн максаттуу жеңүүнү пландадык. Заманбап билим берүүдө коомдук долбоорлорду иштеп чыгуу жана колдоо көрсөтүү, балдар үчүн окуу курстарын уюштуруу, жакырчылыктан чыгуу үчүн атайын долбоордук колдоолорду көрсөтүүнү максат кылдык, руханият жана кайрымдуулук жаатында иш алып барган түзүмдөрдү колдоо, кыргыз элинин маданиятын, каадасын сактоо жана урпактарга берүү үчүн негизделген алдыңкы долбоорлорду колдоо маанилүү.
ЖАРАТЫЛЫШТЫ САКТОО
Жаратылышты коргоо жана сактоо адамзаттын башкы миссиясына айланды. Учурда дүйнөлүк деңгээлде ири долбоорлор иштелип чыгып, табиятты сактоонун алкагында иш алып барууда. Биздин “Аздек дүйнө” кайрымдуулук фонду да жаратылышты сактоо жана коргоого арналган долбоорлордун үстүндө иш алып барууну максат катары алдына койгон. Бул багытта атайын акцияларды уюштуруу жана табиятты коргоо болгон чакырыктарды жасоого ар дайым умтулат.
ЖАШЫЛ ЭКОНОМИКА
Жашыл экономика – бул ресурстарга жоопкерчиликтүү мамилени талап кылган экономикалык өнүгүүнүн модели. Ал экономикалык өсүш менен жаратылыш ресурстарын сактоонун ортосунда акылга сыярлык компромиссти табууга багытталган. Бул туруктуу өнүгүү жана дүйнөнүн көптөгөн өлкөлөрүнүн, анын ичинде Кыргыз Республикасынын да эң маанилүү узак мөөнөттүү максаты бойдон калууда. “Аздек дүйнө” Коомдук кайрымдуулук фонду жашыл экономиканын өнүгүшүнө салым кошуу менен өлкөнүн бакубаттуулугун жогорулатууга жана социалдык адилеттүүлүктү чыңдоого, ошол эле учурда айлана-чөйрөгө болгон тобокелдиктерди олуттуу кыскартууга, табигый капиталды сактоого жана көбөйтүүгө, ресурстарды натыйжалуу пайдаланууга жана жаратылышты коргоону стимулдаштырууга кол кабыш кылууну максат кылат.
МУКТАЖ ИНСАНДАРГА ЖАРДАМ КОЛУН СУНУУ
Аты айтып тургандай эле “Аздек дүйнө” коомдук кайрымдуулук фондунун негизги багыты кайрымдуулук иштерин уюштуруу жана жардамга муктаждарга колун сунуу болуп эсептелет. Учурда фондго жардамга муктаждардын көп кайрылуулары келип түшүүдө. Ден соолугунан мүмкүнчүлүгү чектелген жарандарга акчалай жана моралдык жактан колдоо көрсөтүүнү фонд негизги багыты катары билет.
САЛАМАТТЫК САКТОО
Калктын саламаттыгын сактоого арналган акциялардын, долбоорлордун үстүнөн иштөө жана саламаттык сактоо боюнча ири долбоорлорду ишке ашырууга кол кабыш кылуу “Аздек дүйнө” коомдук кайрымдуулук фондунун негизги максаттарынын бири. Айрыкча жугуштуу дарттардын алдын алуу боюнча ири долбоорлорду уюштурууга дилгир. Бул долбоорлорду фонд республиканын бардык аймактарына жайылтууга далалат кылат.
УЛУТТУК БААЛУУЛУКТАРДЫ САКТОО
Улуттук баалуулуктарды сактоо боюнча “Аздек дүйнө” коомдук кайрымдуулук фонду өзгөчө артыкчылык менен иш алып барат. Анткени улуттун улут болуп сакталышы улуттук баалуулуктардын сакталышынан, алардын келечек муунга өткөрүлүп берилишинен көз каранды. Келгиле дүйнөнү биргеликте аздектейли!
БИЛИМ БЕРҮҮ
Билим берүү тармагында келечек ээлери болгон жаштарга, жеткинчектерге колдоо көрсөтүү жана Билим берүү жана илим министрлиги менен бирге макулдашылган айрым долбоорлорго кол кабыш кылуу негизги багыттардын бири.
Previous slide
Next slide

Молдо Нияз Эрназар уулунун 200 жылдык мааракеси жогорку деңгээлде белгиленди

Кадырлуу калайык калкым!
12-13-декабрь күндөрү Баткен облусунун Кадамжай районунда кыргыз жазма адабиятынын негиздөөчүсү, жазгыч акын, бабабыз Молдо Нияз Эрназар уулунун 200 жылдык мааракеси жогорку деңгээлде белгиленди. Иш-чараны КР Президенти Садыр Жапаров Молдо Нияз бабабыздын эстелигин ачуу менен баштап, КР Эл Баатыры Медеткан Шеримкулов, академик Абдыганы Эркебаев, белгилүү тарыхчы Кыяс Молдокасымов жана бир топ коноктор катышышты.
Мааракенин алкагында XIX кылымда Молдо Нияз бабабыз ачкан алгачкы мектеп үңкүрү (музейи) оңдоп түзөөдөн соң элге эшигин ачты. Ошону менен бирге бабабыздын өрнөктүү өмүр жолу чагылдырылган кинотасма көрсөтүлүп, залкар сүрөтчүлөр тарткан сүрөттөр көргөзмөсү уюштурулду.
Мааракенин экинчи күнү улуттук ат оюндар менен коштолуп, Көтөрмө айыл өкмөтүндө аламан улак жана ат чабыш уюштурулду. «Аздек дүйнө» коомдук кайрымдуулук фонду тарабынан аламан улактын жана ат чабыштын жеңүүчүлөрүнө баш байге катары 3 темир тулпар жана баалуу соорундар ыйгарылып, кыргыздын улуттук ат оюндары жогорку деңгээлде өттү.
«Молдо Нияз бабабыздын бизге калтырган ыйык мурастарын баалап-барктап жана аны сактоо, ошону менен бул бийик эмгектерди келечек муунга жеткирүү биздин негизги милдетибиз болмокчу. Тарыхыбызды барктай билсек, келечегибиз жаркын болот!».

Yrysbek Kalygulov
Yrysbek Kalygulov
Read More
"Аздек Дүйнө" Коомдук кайрымдуулук фондунун сапары байсалдуу болсун! Агартуучу Молдо Нияздын 200 жылдык мааракесинде башкы демөрчү болуп, тушоосун кести…
Зульфия Кожоева
Зульфия Кожоева
Read More
23-сентябрь Кыргыз Республикасынын Мамлекеттик тил күнү менен баарыбызды куттуктайм!
Жазгуль Кенжетаева
Жазгуль Кенжетаева
Read More
Сиз тилди кастарлагандардын катарында алдыңкы орундасыз!
Previous
Next

КАЙРЫМДУУЛУК ИШТЕРИНДЕ БИЗ МЕНЕН БИРГЕ БОЛ!

ВОЛОНТЕР БОЛУУ ҮЧҮН
БАСЫҢЫЗ
Корзина